Tyrkjaránið sögufræga 1627 er að mörgu leyti heppilegt dæmi úr sögunni vilji menn stofna til umræðna um afleiðingar þess að lönd og byggðir eru án varna. Á öllum tímum þarf að huga að öryggi samfélaga. Atburðirnir í Eyjum geta líka verið nýtileg áminning um að gæta sín á yfirlæti þegar rætt er um siðferðisviðhorf ólíkra menningarheima.

Það þóttu talsverð tíðindi – og þykja enn – þegar ítalskur fræðmaður, Paolo Chiesa, pró­fess­or í lat­nesk­um fræðum við há­skól­ann í Mílanó, upplýsti í grein sumarið 2021 að munk­ur af reglu dóm­iník­ana, Gal­vaneus Flamma, minnt­ist á landið Marckalada (Markland) vest­an Græn­lands í ófull­gerðu sögu­riti sínu Cronica uni­versal­is, sem skrifað er á ár­un­um 1339 til 1345.

Haustið 2018 réðust róttækir aðgerðasinnar á listaverk Einars Jónssonar, Þorfinnur karlsefni, í Fairmont garði í Fíladelfíu í Bandaríkjunum, slettu yfir það rauðri málningu, brutu höfuðuð af og veltu ofan í Schuylk­illá sem rennur meðfram garðinum. Stöpull verksins er enn auður og óljóst hvort gert hafi verið vð það og hvort til standi að endurreisa það.